Që nga viti 2014, ata që shkojnë në Pragë mund të admirojnë, fare pranë stacionit të metrosë Národní, një instalacion në metamorfozë të vazhdueshme të atij që shndërroi shpirtin e tij delikat në një art të madh.
Është një vepër arti kinetike, koka me profilin e njohur, të shkrimtarit Franz Kafka. Skulptura, e bërë prej çeliku inox, peshon afërsisht 45 tonë dhe ka një sipërfaqe reflektuese. Duke parë thelbin e veprës, nuk habitemi që artisti çek David Černý zgjodhi t’i bënte homazhe shkrimtarit të famshëm me një skulpturë kaq të veçantë të vendosur pikërisht në qendër të qytetit.
![](https://www.albertvataj.com/wp-content/uploads/2024/01/David-Cerny-Franz-Kafka-opposite_orientation-2014-768x1024.jpg)
Për më tepër, lidhja mes Kafkës dhe Pragës është aq e pazgjidhshme saqë nuk mund të ishte ndryshe. Praga është Kafka dhe Kafka është Praga. Ndër të tjera, nuk është rastësi që u vendos pikërisht aty: Franz Kafka punoi në këtë zonë, një qendër e rëndësishme sipërmarrëse dhe kulturore tashmë në fillim të shekullit të njëzetë dhe fryma e këtij shkrimtari të rëndësishëm që la gjurmë të pashlyeshme ende rri pezull si një fenomen në letërsinë botërore, pavarësisht se vdiq i ri.
Shikimi i kokës së Franz Kafkës në Pragë shkakton një efekt tjetërsues Plot 42 blloqet inoksi që përbëjnë skulpturën rrotullohen në mënyrë të pavarur falë një motori të brendshëm.
Objektivi i artistit çek ishte të përfaqësonte, nëpërmjet kësaj mashtreje efektive, personalitetin brilant dhe mundimet e brendshme të shkrimtarit. Instalimi është një kombinim i përsosur i artit dhe teknikës që vetë David Černý e dëshironte fort, duke përdorur bashkëpunimin e inxhinierëve mekanikë, ekspertë në robotikë.
![](https://www.albertvataj.com/wp-content/uploads/2024/01/kafka-1-679x1024.jpg)
Me këtë skulpturë Černý jo vetëm që i bëri homazhe një prej shkrimtarëve më të rëndësishëm evropianë të të gjitha kohërave, por donte të përfaqësonte thelbin e psikikës njerëzore dhe tjetërsimin e njeriut modern në shoqëri, deri në atë pikë sa të zbulonte identitetin e vërtetë të Egos, që është vijimisht dhe pambarimisht i brishtë dhe i ndryshueshëm.
PROF. DEB
Përgatiti: Albert Vataj
Për të parë veprën në lëvizje, ju rekomandoj të klikoni lidhjen dhe të hyni në Youtube.