Ai ishte një prej penelatave më të pazakonta të pikturës, një prej gjenive, jeta e të cilit fatkeqësisht u moleps hera-herës me spazme therëse e dhimbje, gjurmë të cilat ai i la në pikturë, në ashpërsinë e kumtit shprehës, në terrin përpirës që përgjohet nga një dritim tinzar. Megjithatë kjo nuk e ndali hovin e tij sendërtues, nuk e vuri dot nën fre këtë pasion të hazdisur kumti. Plot 700 është numri i punëve, ndoshta shumë më shumë ishte ai zjarr përpirës i këtij shpirti që kuntoi dhe i blatoi botës të hyjshmin kurm e përjetim, por asnjëri prej këtyre shpërthimeve eterne estetike, nuk do ta shmangte fundin fatal të këtij gjeniu tragjik.
![](https://www.albertvataj.com/wp-content/uploads/2023/10/rembrandt-9-1024x877.jpg)
![](https://www.albertvataj.com/wp-content/uploads/2023/10/rembrandt-18.jpg)
![](https://www.albertvataj.com/wp-content/uploads/2023/10/rembrandt-21.jpg)
![](https://www.albertvataj.com/wp-content/uploads/2023/10/rembrandt-22-807x1024.jpg)
Rembrandt Harmenszoon van Rijn, konsiderohet si një ndër mjeshtrat më të mëdhenj të historisë së artit europian dhe piktori më i famshëm holandez i shekullit të 17-të. Kontributi i tij në art erdhi në atë periudhë të cilën historianët e quajnë epoka e artë holandeze, kur kultura holandeze, shkenca, tregtia, pushteti dhe ndikimi në botë arritën majat më të larta. Mes veprave kryesore të Rembrandt-it janë “Martesa e Samsonit”, “Mëngjesi martesor”, “Shën Pali në Burg”, “Leksione anatomie”, “Nusja çifute”, “Portreti i një njeriu”, “Familja”, “Portret i vetvetes” dhe “Adhurimi i Magit”.
![](https://www.albertvataj.com/wp-content/uploads/2019/05/Simeoni-me-Jezusin-ne-duar-Rembrandt-834x1024.jpg)
![](https://www.albertvataj.com/wp-content/uploads/2023/06/355130291_719648616838575_959224664421839689_n-872x1024.jpg)
![](https://www.albertvataj.com/wp-content/uploads/2020/01/Rembrandt-Lapidation-Saint-Étienne-MBA-Lyon-1.jpg)
![](https://www.albertvataj.com/wp-content/uploads/2019/04/Rembrandt.jpg)
I susksesshëm si piktor portretesh, vitet e fundit të jetës i kaloi mes tragjedish personale dhe vështirësish financiare. Autoportretet e tij formojnë një biografi intime e unike, ku artisti vëzhgoi veten sinqerisht e përulësisht.