Fotoja e titulluar, “Në duart e stërgjyshit” nga fotografia Yvonne C. Krystovsky është fituese e vendit të parë të konkursit të “Fotove Minimaliste Bardh e Zi, 2024”.
Arti i fotografisë shpesh flet shumë përmes thjeshtësisë, ku minimalizmi rrëmben qendrën e vëmendjes, duke hequr shpërqendrimet dhe sfiduar kufizimet, për të zbuluar thelbin e një subjekti, duke shkuar ndoshta shumë më thellë përmes ngjyrave të shpirtit në një komunikim bardh e zi. Në fushën e fotografisë bardh e zi, kjo qasje minimaliste bëhet edhe më e theksuar, duke shfrytëzuar ndërveprimin e dritës dhe hijes për të krijuar narrativa vizuale të mrekullueshme.
“Çmimi i Fotografisë Minimaliste Bardh e Zi 2024” feston këtë mjeshtëri, duke shfaqur disa imazhe magjepsëse që me thjeshtësinë dhe thellësinë e tyre arrijnë të realizojnë një marrëdhënie të sinqertë. Dhe është “Në duart e stërgjyshit” e fotografes, Yvonne C. Krystovsky, ajo që rreket të dëshmojë minimalizmi në artin e fotografisë, në komunikimin e ngjyrshëm përmes bardh e zisë.
“Fotografia “Në duart e stërgjyshit” tregon duart e një stërgjyshi që mban ato të stërnipit të tij, në një moment lidhjeje të butë dhe shkëmbimi ndërbotësh i energjisë. Rrudhat dhe plagët në lëkurën e plakut flasin për një jetë të përjetshme të skalitur nga dalta e ashpër dhe e pamëshirshme e kohës. Ndërsa gishtat e butë të fëmijës pasqyrojnë pafajësinë dhe kureshtinë e një bote që kërkon të rrëmbejë gjithçka në një qasje për eksplorim. Të fotografuara bardhë e zi, detajet theksojnë thellësinë emocionale të momentit dhe kontrastin mes të moshuarve dhe foshnjës. Çdo linjë, teksturë dhe nuancë përforcon rëndësinë e kësaj dashurie ndër breza. Kjo fotografi është një dëshmi prekëse e bukurisë dhe thellësisë së lidhjes mes gjeneratave.”
Fituesja e vendit të parë, Yvonne C. Krystovsky është një fotografe e vlerësuar me çmime ndërkombëtare e specializuar në fotografinë ekskluzive, bashkëkohore të të porsalindurve, maternitetit dhe portreteve. Si një arkitekte e kualifikuar dhe dizajnere e brendshme, e gjithë puna e saj fokusohet në parimin minimaliste më pak është më shumë. Duke kapur momente në pastërtinë dhe thjeshtësinë e tyre, ajo krijon vepra arti të përjetshme, ekspresive dhe vërtet emocionale.
Yvonne C. Krystovsky është gjithashtu, themelues i Akademisë Luminar Elite për Fotografë dhe Çmimeve Luminar.
Përgatiti: Albert Vataj
Shijoni të tjera foto të fotografes
Discussion about this post