Jeta dhe personaliteti artistik i këtij artisti nga Amersfoort u rindërtuan në shekullin e 20-të në bazë të një sërë dokumentesh dhe studimesh shkencore që u botuan në atë kohë. Megjithatë, ka ende shumë boshllëqe në njohuritë tona për karrierën e Matthias Stom, i cili është dokumentuar në Romë në vitin 1630. Veprat e tij më të hershme të njohura zbulojnë ndikimin e Gerrit van Honthorst dhe rrjedhimisht është sugjeruar se ai është trajnuar me atë piktor në Utrech, por kjo nuk ka gjasa duke pasur parasysh datën e kthimit të Honthorst në atë qytet nga Italia. Sidoqoftë, Stom mund t’i kishte njohur veprat e tij në vitet pas kthimit të Honthorst në Utrecht në 1620.
Matthias Stom ose Matthias Stomer (rreth 1600 – pas 1652) njihet vetëm për veprat që prodhoi gjatë qëndrimit të tij në Itali. Ai u ndikua nga puna e ndjekësve jo-italianë të Caravaggio-s në Itali, në veçanti nga ndjekësit e tij holandezë të quajtur shpesh si Karavagistët e Utrecht-it, si dhe nga Jusepe de Ribera dhe Peter Paul Rubens. Ai nuk ndante preferencën e Caravaggisti-ve të tjerë të veriut për skenat humoristike, dhe nganjëherë zhanre të zhveshura dhe alegoritë e përpunuara dekorative, por favorizoi histori nga Bibla. Ai punoi në vende të ndryshme në Itali ku gëzonte patronazhin e institucioneve fetare si dhe anëtarëve të shquar të fisnikërisë.
Albert Vataj
