Më tej, për shumëkënd, mendimi i parë në radhë, niste të nxirrte vrer në adresë të Mbretit Zog, të cilin kundërshtarët, por edhe historigrafia komuniste, e akuzonin se këtë mrekulli të natyrës, dikur, ua shiti serbëve.
Por si është e vërteta e mbetjes së manastirit të Shën Naumit?
Si rrodhën ngjarjet deri në marrëveshjen shqiptaro-jugosllave që bëri të mundur lëshimin e kësaj pjese të territorit shqiptar?
Bazuar në dokumente që publikohen për herë të parë, emisioni ABC STORY zbardh shumë të vërteta të kësaj çështjeje që vazhdon të trazojë shqiptarët: kjo pjesë toke që i takonte Shqipërisë u shit, u fal apo u këmbye me territore të tjera dhe më tej, ishte zgjidhje e vetme, e detyruar apo vetëm shpagim i rikthimit të Zogut në pushtet në fund të vitit 1924?/abcnews.al