Ka gjëra që nuk thuhen me fjalë, por trupi i flet gjithmonë, edhe kur goja hesht. Dhe në këtë heshtje që lëshon sinjale të padukshme për syrin e paditur, fshihet shpesh e vërteta më e thellë e ndjenjave mashkullore. Sepse ndërsa fjalët mund të jenë të stisura, lëvizjet, gjestet, shikimet dhe mikromimikën e trupit nuk mund t’i komandojë mendja me të njëjtën lehtësi. Ato e tradhtojnë njeriun,dhe për fatin tuaj të mirë, e zbulojnë dashurinë.
Ja pra, dekodimi i sinjaleve që dëshmojnë se si ai mashkull ju dashuron, pa e thënë. Një përkthim i heshtjes në dëshirë, i pavetëdijes në tërheqje, dhe i trupit në dëshmi. Mos kërkoni fjalët e tij,lexoni trupin e tij. Sepse aty, më qartë se kudo, shkruhen ndjenjat që ndoshta as ai vetë nuk i ka pranuar ende.
Përderisa lehtë mund t’i kontrollojmë fjalët që dalin nga goja, rëndë mund t’i kontrollojmë të gjitha lëvizjet e trupit tonë. Kurse trupi asnjëherë nuk hesht, çdo herë lëshon ndonjë informacion të rëndësishëm. Ja disa këshilla se si një mashkull shpreh interesim për femrën dhe sa ai është i dashuruar me ju. Nga ato do të mësoni shumë për ndjenjat e tij dhe synimet ndaj jush.
- Ju rregullon flokët ose ju ledhaton në duar
Përkthim: Po ju bën test, dëshiron të provojë se a i pëlqeni? Nëse derisa ua prek flokët ose dorën ju ia ktheni me një buzëqeshje, ai në këtë rast e di se ka leje që t’ ju ofrohet edhe më tepër. Nëse ndjen reaksion negativ, ai do të dijë të tërhiqet.
- Prek hundën e tij
Përkthim: Sigurisht se po gënjen. Nëse prek hundën ose veshin e tij derisa ju përgjigjet në ndonjë pyetje ose ju tregon ndonjë ngjarje, sigurisht se nuk e tregon të gjithë të vërtetën. Keni kujdes! Ekspertët shpjegojnë se kur ai tenton të gënjejë, fillon të “ngacmohet” dhe në kokën e tij arrin më shumë gjak, kurse kjo shkakton ndjenjën e kruarjes.
- Prek nyjen e dorës
Përkthim: Ndjehet i pasigurt. Juve ndoshta ju duket se ai po rregullon orën e dorës, por kjo lëvizje është shenjë se ai nuk ndjehet i sigurt. Me këtë mbyllje të duarve, ai sikur bën një mbrojtje sepse ndjehet “i rrezikuar”. Nëse jeni në takim, jepni buzëqeshje më shoqërore dhe ndryshojeni atmosferën.
- Beli i tij është i drejtuar nga ju.
Përkthim: I pëlqeni. Njerëzit drejtojnë belin e tyre kah ato të cilat i besojnë dhe që i tërheqin. Nëse vëreni se edhe në momentet kur flet me mikun nga ana tjetër, beli i tij është kthyer nga ju, kjo është shenjë e sigurt se për të nuk jeni vetëm një person i thjeshtë.
- Qëndron me shuplakat mbi qafë i mbështetur në karrige
Përkthim: Tregon superioritet. Ky nuk është sinjal pozitiv, sepse ai mendon se ka vlerë më shumë se ju dhe as nuk tenton që ta fshehë atë. Nëse vëreni një shenjë të tillë që në takimin e parë, keni kujdes se si do të veproni më tutje. Dëshira e tij për dominim mund të jetë problem konstant.
- I “lag” buzët
Përkthim: Ju dëshiron. Ekspertët thonë se kur dikush i “lag” buzët, në fakt tregon se para tij/saj ka diçka që e dëshiron. Ai nuk do të dojë t’u lëshojë nga duart, kurse nga ju varet se a do t’i përgjigjeni me entuziazëm të njëjtë.
- Lëkundet përpara – mbrapa
Përkthim: Është në pritje, dmth pret nga ju një sinjal për të kuptuar që të vazhdojë ose të ndalet. Nëse dëshironi që të vazhdojë, jepni përgjigje duke buzëqeshur. Megjithatë, keni kujdes se shumë njerëz fillojnë të luhaten pasi të kenë pirë 2-3 gota alkool.
- Prek flokët
Përkthim: Dëshiron të mbetet më tërheqës për ju OSE është nervoz. Nëse prek flokët derisa kthen kokën kah ju dhe ju buzëqesh, atëherë kjo është shenjë që ai dëshiron më bukur sa që është e mundur që t’ ju pëlqejë. Por, nëse prek flokët derisa ju ofroheni për bisedë ose ai drejtohet kah ju, atëherë kjo është shenjë se nuk ka vetëbesim dhe ndjehet keq nga pamja e tij.
- Prek faqen e tij
Përkthim: Ju dëgjon me vëmendje dhe/ose po planifikon veprimin e tij të ardhshëm. Nëse prek faqen derisa ju i flisni, kjo është shenjë se është i koncentruar në fjalët tuaja. Por, në disa raste prekja e faqes është sinjal se ai po planifikon veprimin e tij të ardhshëm, i cili me siguri do të jetë prekje fizike. Ekspertët thonë se prekemi në mënyrë të butë kur duam ta prekim atë që është para nesh, por ndjejmë se nuk mund ta bëjmë atë.
- Qëndron me këmbë të hapura
Përkthim: Ju dëshiron tej mase. Këmbët e hapura janë sinjal i pavetëdijshëm i meshkujve se ndjejnë tërheqje seksuale kah personi që është para tyre, pra nga femra që kanë përballë.
- Qëndron ulur dhe gishtërinjtë e këmbëve të tij janë të kthyer njëri mbi tjetrin.
Përkthim: Është shumë i pasigurt në veprimet e tij. Zakonisht në këtë pozicion mund të shihni një djalë me një dozë të caktuar turpi.
- Shikon majtas – djathtas kur ju përgjigjet
Përkthim: Gënjen, trillon fakte. Njerëzit zakonisht e ndryshojnë shikimin majtas kur trillojnë fakte, kurse djathtas kur mundohen të kujtohen për diçka. Nëse ai shfaq shenja të nervozizmit dhe e drejton vështrimin majtas, atëherë kini dyshim në fjalët e tij. Ndoshta gënjen vetë që t’ju impresionojë.
-
- E shtrinë dorën nga ju
Përkthim: Kërkon leje që t’ju afrohet edhe më shumë. Nëse derisa bisedoni vëreni se ai shtrinë dorën, në mënyrë suptile jepni sinjal se nuk ju pengon apo bezdis që të ofrohet më shumë. Për shembull, për shkurt prekeni edhe ju për dore.
