Nga Albert Vataj
Ka çaste në marrëdhënie kur një shikim, një fjalë ose një veprim i vogël mund të ndizet si shkëndijë në barutin e ndjeshmërisë. Por gjithashtu ka momente kur kuptojmë se dashuria e vërtetë matet jo me perfeksionin e tjetrit, por me aftësinë për të falur dhe për të kuptuar. Sepse në fund të ditës, nuk është faji i vogël që e rrënon një lidhje, por mungesa e mirëkuptimit ndaj tij.
Gabimet e paqëllimshme, ato sjellje të padëmshme, ndonjëherë të bezdisshme, por të pandëshkuara nga qëllimi i keq, janë pjesë e përditshmërisë në çdo marrëdhënie. Ato s’janë prova të mungesës së dashurisë, por shenja të njerëzores. Dhe nëse ka diçka më të rëndësishme se gabimi vetë, ajo është arsyeja për të mos u kapur pas tij.
Kjo është një ftesë për reflektim, një ftesë për ata burra që ndoshta janë lodhur nga përsëritja e të njëjtave gjëra të vogla, por që kanë fuqinë t’i kalojnë, për hir të një lidhjeje që ia vlen më shumë se një fjalë e nxituar, një veshje pa leje, apo një pasion për aromën e jaseminit. Sepse ndonjëherë, dashuria nuk dëshmohet duke kërkuar të drejtën, por duke zgjedhur paqen.
Në vazhdim, do të njiheni me ato “gabime të vogla” që shumë gra i bëjnë pa qëllim, dhe që ju, si partnerë, mund t’i falni, jo për të mbyllur sytë, por për të hapur zemrën.
A jeni gjithmonë të mërzitur me partneren apo gruan tuaj dhe u mërzitin edhe gjërat më të imta që i bën ajo përditë? Erdhi koha t’ua falni disa shprehi që i bëjnë paqëllim dhe jo që t’ju mërzitin dhe zemërojnë juve.
Dje vendosëm t’i mësojmë femrat se cilat gabime duhet t’ua falin partnerëve të tyre. Sot e kanë radhën meshkujt. Përgjigje e listës së djeshme për gabimet e vogla që i bëjnë meshkujt është lista e sotme e mbushur me gjërat që çdo ditë i bëjnë femrat. Përsëri bëhet fjalë për gabime të rastësishme dhe të paqëllimshme që i irritojnë partnerët, por ata duhet të dinë të mos mërziten nga këto gabime të vogla. Ja disa prej tyre:
- Vonohet në takim, sepse duhet të ndryshojë veshjen në minutën e fundit.
- Gjatë periudhës së PMS është nervoze dhe gjithmonë ju thotë diçka që nuk e mendon.
- Nuk dëshiron të vijë me ju në takimin tuaj familjar, prandaj shpik arsyetime të ndryshme.
- Ndonjëherë është pasive dhe agresive.
- Ju merr veshje pa lejë.
- Lexon libër në shtrat, kurse ju dëshironi të flini me dritë fikur.
- E përdor shkumën tuaj për t’u rrojtur.
- E kontrollon emrin e ish të dashurës tuaj në “Google”, sepse dëshiron të dijë gjithçka për të.
- Insiston ta shikoni serinë e saj të preferuar në vend të ndeshjes.
- Ndonjëherë ankohet ndaj sjelljes së shokëve tuaj.
- Insiston të hani ushqim të shëndetshëm si ajo.
- Para jush thotë se e adhuron Brad Pitt-in.
- Ju thotë se asnjëherë nuk bëni diçka argëtuese.
- Nuk dëshiron të eksperimentojë në seks.
- Këmbëngul të përdorni xhelin e saj për të bërë dush sepse ka aromë jasemini.
- I hedh veshjet tuaja të vjetra, por më të adhuruara pa ju pyetur.
- Pas banjës flokët e saj janë gjithandej.
Megjithatë kuptohet se kjo ju çmend, por bisedoni me partneren me siguri do të gjeni mirëkuptim. Vetëm kujdes se mos bisedoni në ndonjë prej “atyre” ditëve të muajit.
Në fijezat delikate të çdo marrëdhënieje fshihen jo vetëm gjestet e mëdha të dashurisë, por edhe gabimet e vogla, ato që ndodhin pa qëllim, pa ligësi, por që megjithatë na trazojnë përditshmërinë. Është e lehtë të mërzitemi, të zmadhojmë të parëndësishmen, të lejojmë që një zakon i padëmshëm të bëhet shkak për ftohje. Por a nuk është pikërisht këtu prova e vërtetë e dashurisë?
Falja e gabimeve të vogla – atyre që lindin nga hutimi, përditshmëria apo natyra njerëzore – nuk është dorëzim, por një akt zgjuarsie, një vepër e heshtur e maturisë emocionale. Ajo lind nga vetëdija se marrëdhëniet nuk ndërtohen mbi perfeksion, por mbi mirëkuptim. E nëse dashuria ka ndonjë virtyt më të lartë se pasioni, ai është falja: jo për të heshtur ndjesitë, por për të zgjedhur paqen aty ku do të mund të mbizotëronte pakënaqësia.
Kur njeriu e pranon tjetrin me të metat e tij të përditshme, ai nuk po bëhet i dobët – po bëhet i thellë. Sepse e kupton se mbi të gjitha, ajo që është më e rëndësishme se gabimet, është vetë lidhja, kujdesi, dashuria.
